Plantun de Prouvènço

Pèr coumpara dos planto d'encò nostre

Bupleurum fruticosum & Lysimachia linum-stellatum

Lengo-de-cat

Bupleurum fruticosum

Apiaceae Umbelliferae

Àutri noum : Auriho-de-lèbre, Fenoui-de-colo, Taco-bugado.

Noms en français : Buplèvre arbustif, Buplèvre ligneux.

Descripcioun :
La lengo-de-cat es un aubret, souleto Apiaceae coum'acò au nostre, que trachis dins li relarg secarous e cauquié. Si fueio an ges de péu, soun verdalo dessouto, e se ié vèi bèn li costo segoundàri (fotò). Li brout (oumbello) an de 7 à 20 rai. Lou fru, negre un cop madur, porto de costo que se vèson bèn.

Usanço :
Li racino e li fru sarien bon pèr lucha contro lou tussi, l'asme, e pèr ajuda à pissa. Se dis meme que lou fru èro emplega contro li pougnaduro de vipèro.

Port : Aubret
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 10 à 12 cm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Garrigo - Roucaio - Tepiero seco
Estànci : Mesoumediterran
Couroulougi : Estenoumediterranenco
Ref. sc. : Bupleurum fruticosum L., 1753

Lin(-estela)

Lysimachia linum-stellatum

Primulaceae

Noms en français : Astéroline en étoile, Lin étoilé.

Descripcioun :
Lou lin-estela flouris à la debuto dóu printèms dins li relarg secarous de basso Prouvènço. Es uno pichoto planto que fai de flour mistoulino. D'un poun de vist boutani, èi pas un lin que fai parti de la famiho di Primulaceae. Se recounèis à soun long "calice" estela que soubro de tèms après la cabusso di petalo, e l'estiéu à si gros fru redoun (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 10 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Lysimachia
Famiho : Primulaceae

Ordre : Ericales

Coulour de la flour : Blanco
Petalo : 5
Ø (o loungour) flour : 0,4 mm
Flourido : Printems

Sòu : Ca
Autour basso e auto : 0 à 600 m
Aparado : Noun
Mars à mai

Liò : Tepiero seco - Garrigo
Estànci : Termoumediterran à Coulinen
Couroulougi : Mediterrano-Atlantico
Ref. sc. : Lysimachia linum-stellatum L., 1753 (= Asterolinon linum-stellatum (L.) Duby )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Bupleurum fruticosum & Lysimachia linum-stellatum

ges

Coumpara Lengo-de-cat emé uno autro planto

Coumpara Lin(-estela) emé uno autro planto